விழுப்புரம்-திருப்பதி எக்ஸ்பிரஸ் ரெயில் பகுதி நேர ரத்து

சென்னை,

இதுகுறித்து, தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

காட்பாடியில் இருந்து காலை 10.30 மணிக்கு புறப்பட்டு ஜோலார்பேட்டை செல்லும் பயணிகள் ரெயிலும் (வண்டி எண்.66017), மறுமார்க்கமாக, ஜோலார்பேட்டையில் இருந்து மதியம் 12.55 மணிக்கு புறப்பட்டு காட்பாடி செல்லும் பயணிகள் ரெயிலும் (66018) இன்று (ஞாயிற்றுக்கிழமை) முதல் வரும் ஜூன் 3-ந்தேதி வரையில் ரத்து செய்யப்படுகிறது.

விழுப்புரத்தில் இருந்து காலை 5.40 மணிக்கு புறப்பட்டு திருப்பதி செல்லும் எக்ஸ்பிரஸ் ரெயில் (16854), இன்று (ஞாயிற்றுக்கிழமை) முதல் வரும் ஜூன் 3-ந்தேதி வரையில் காட்பாடி-திருப்பதி இடையே பகுதி நேர ரத்து செய்யப்படுகிறது. மறுமார்க்கமாக, திருப்பதியில் இருந்து மதியம் 1.40 மணிக்கு புறப்பட்டு விழுப்புரம் செல்லும் எக்ஸ்பிரஸ் ரெயில் (16853), இன்று (ஞாயிற்றுக்கிழமை) முதல் வரும் ஜூன் 3-ந்தேதி வரையில் திருப்பதி-காட்பாடி இடையே பகுதி நேர ரத்து செய்யப்படுகிறது.

திருப்பதியில் இருந்து காலை 7.35 மணிக்கு புறப்பட்டு காட்பாடி செல்லும் பயணிகள் ரெயில் (67205), அதற்கு மாற்றாக திருப்பதியில் இருந்து இன்று (ஞாயிற்றுக்கிழமை) முதல் வரும் ஜூன் 3-ந்தேதி வரையில் மதியம் 1.40 மணிக்கு புறப்பட்டு காட்பாடி செல்லும்.

இவ்வாறு அதில் கூறப்பட்டுள்ளது.