வாஷிங்டனில் பயணிகள் விமானம், ராணுவ ஹெலிகாப்டர் மோதி விபத்து: உயிரிழந்தோர் குடும்பத்தினருக்கு அமெரிக்க அதிபர் டிரம்ப் இரங்கல்

வாஷிங்டன்: வாஷிங்டனில் பயணிகள் விமானமும், ராணுவ ஹெலிகாப்டரும் மோதிக்கொண்ட விபத்தில் விமானம் மற்றும் ஹெலிகாப்டரிலிருந்த 67 பேரும் உயிரிழந்து விட்டதாக அமெரிக்க அதிபர் டிரம்ப் அறிவித்துள்ளார். அமெரிக்கன் ஏர்லைன்ஸ் நிறுவனத்தின் பயணிகள் விமானம் ஒன்று 60 பயணிகள் மற்றும் 4 ஊழியர்களுடன் வாஷிங்டன் விமான நிலையத்தில் தரையிறங்க முயன்றது. அப்போது விமான நிலையத்தில் பயிற்சியில் ஈடுபட்டிருந்த ராணுவ ஹெலிகாப்டர் மீது திடீரென மோதியது.

வெடித்து தீ பற்றிய பயணிகள் விமானமும், பயிற்சி ஹெலிகாப்டரும் பொடோமாக் ஆற்றில் விழுந்தது. உடனடியாக மீட்புப்படையினர் விபத்தில் சிக்கியவர்களை தேடும் பணியில் ஈடுபட்டனர். விமான விபத்து குறித்து செய்தியாளர்களிடம் பேசிய அமெரிக்க அதிபர் டோனல் டிரம்ப் மீட்பு பணிகள் முழு வீச்சில் நடைபெற்ற போதும் விமானம் மற்றும் ஹெலிகாப்டரில் இருந்த அனைவரும் உயிரிழந்துவிட்டதாக வேதனை தெரிவித்தார். கொடூரமான விமான விபத்து ஒட்டுமொத்த அமெரிக்கர்களை துயரத்தில் ஆழ்த்தி உள்ளதாகவும் உயிரிழந்தோரின் குடும்பத்திற்கு ஆழ்ந்த இரங்கலை தெரிவிப்பதாகவும் டிரம்ப் கூறியுள்ளார்.

The post வாஷிங்டனில் பயணிகள் விமானம், ராணுவ ஹெலிகாப்டர் மோதி விபத்து: உயிரிழந்தோர் குடும்பத்தினருக்கு அமெரிக்க அதிபர் டிரம்ப் இரங்கல் appeared first on Dinakaran.