வான்கடேவில் இன்று வாணவேடிக்கை நிச்சயம்; 3வது வெற்றி யாருக்கு? சன்ரைசர்ஸ்-மும்பை பலப்பரீட்சை

மும்பை: ஐபிஎல் டி20 தொடரில் இன்று இரவு 7.30 மணிக்கு மும்பை வான்​கடே மைதானத்​தில் நடை​பெறும் 33வது லீக் போட்டியில் மும்பை இந்​தி​யன்​ஸ், சன்​ரைசர்ஸ் ஹைத​ரா​பாத் அணி​கள் மோதுகின்​றன. மும்பை இந்​தி​யன்ஸ் நடப்பு சீசனில் 6 போட்டி​களில் ஆடி 2 வெற்​றி, 4 தோல்வி​களு​டன் பட்​டியலில் 7-வது இடத்​தில் உள்​ளது. மும்பை அணி​யின் நட்​சத்​திர பந்துவீச்​சாள​ரான ஜஸ்​பிரீத் பும்ரா காயத்​தில் இருந்து மீண்டு களத்​துக்கு திரும்பி உள்ள நிலை​யில் தனது சிறப்பான திறனை வெளிப்​படுத்​து​வ​தில் தடு​மாறி வரு​கிறார்.

பெங்​களூரு அணிக்கு எதி​ரான போட்டியில் விக்​கெட் ஏதும் கைப்​பற்​றாத பும்​ரா, டெல்லி அணிக்கு எதி​ரான போட்டியில் யார்க்​கர்​களை வீசுவ​தில் தடு​மாற்​றம் அடைந்து 44 ரன்​களை விட்​டுக்​கொடுத்​திருந்​தார். எனவே இன்​றைய போட்டி அவருக்கு சோதனை களமாக இருக்​கும். ஏனெனில் சன்ரைசர்ஸ் அணி கடந்த போட்டியில் 246 ரன்​கள் இலக்கை துரத்தி வெற்றிபெற்றது. டிரா​விஸ் ஹெட், அபிஷேக் சர்​மா, இஷான் கிஷன், ஹென்​ரிச் கிளாசன் ஆகியோரின் தாக்​குதல் பேட்​டிங் வரிசை பும்​ரா​வுக்கு நெருக்​கடி கொடுக்​கலாம்.

இது ஒரு​புறம் இருக்க பேட்​டிங்​கில் முன்​னாள் கேப்​டன் ரோஹித் சர்​மா​வின் பார்ம் கவலை அளிக்​கும் வகை​யில் உள்​ளது. 5 போட்டிகளில் ஆடி அவர் 56 ரன்​களே எடுத்​துள்​ளார். இன்​றைய போட்டியில் ரோஹித் சர்மா பார்​முக்கு திரும்​புவ​தில் கூடு​தல் கவனம் செலுத்​தக்​கூடும். தொடக்க வீர​ரான ரியான் ரிக்​கெல்​டன், நடு​வரிசை பேட்​ஸ்​மே​னான திலக் வர்மா ஆகியோர் சிறப்பாக ஆடி வரு​கின்​றனர். சூர்​யகு​மார் யாதவ், நமன் திர், கேப்டன் ஹர்திக் ஆகி​யாரும் நிலைத்​தன்​மை​யுடன் ஆடினால் அணி​யின் பலம் அதி​கரிக்​கும்.

பாட் கம்​மின்ஸ் தலை​மையி​லான சன்​ரைசர்ஸ் அணி 6 போட்டிகளில் ஆடி 2 வெற்றி 4 தோல்வி​களு​டன் 9-வது இடத்​தில் உள்​ளது. ஹைத​ரா​பாத் அணி தனது கடைசி போட்டியில் பஞ்​சாப் அணியை 8 விக்​கெட்​கள் வித்​தி​யாசத்​தில் தோற்​கடித்தது. அந்த போட்டியில் அபிஷேக் சர்மா 55 பந்​துகளில் 141 ரன்​களும், டிரா​விஸ் ஹெட் 37 பந்​துகளில் 66 ரன்​களும் விளாசி 246 ரன்​கள் இலக்கை எளி​தாக எட்ட உதவியிருந்தனர்.

இதுபோல் வான்​கடே மைதானத்​தில் கடந்த பிப்​ர​வரி மாதம் இங்​கிலாந்து அணிக்கு எதி​ராக நடந்த டி 20 போட்டியில் இந்​திய அணி​யின் தொடக்க வீர​ராக களமிறங்​கிய அபிஷேக் சர்மா 135 ரன்​களை விளாசி மிரட்​டி​யிருந்​தார். இதனால் அவர், மும்பை அணி​யின் பந்துவீச்​சாளர்​களுக்கு நெருக்​கடி கொடுப்பார் என எதிர்​பார்க்​கப்​படு​கிறது. இதுபோல் இஷான் கிஷன், ஹென்​ரிச் கிளாசன், நி​திஷ் குமார் ரெட்டி ஆகியோ​ரும் தாக்​குதல் ஆட்​டம்​ மேற்​கொள்​ளக்​கூடியவர்​களாக ​திகழ்​கின்றனர். சன்ரைசர்ஸ்-மும்பை இரண்டு அணிகளும் அடுத்த வெற்றிக்காக மல்லுக்கட்டும் என்பதால் வான்கடேவில் இன்று வாணவேடிக்கை நிச்சயம்.

The post வான்கடேவில் இன்று வாணவேடிக்கை நிச்சயம்; 3வது வெற்றி யாருக்கு? சன்ரைசர்ஸ்-மும்பை பலப்பரீட்சை appeared first on Dinakaran.