“வழக்குகளை போட்டு மிரட்டுகிறது திமுக” - ஈரோடு கிழக்கு நாம் தமிழர் வேட்பாளர் குற்றச்சாட்டு

ஈரோடு: “ஈரோடு கிழக்கு தொகுதியில் தேர்தல் பிரச்சாரம் செய்ய அனுமதி மறுக்கப்படுவதோடு, வழக்குகளை போட்டு மிரட்டும் அராஜகம் நடக்கிறது.” என நாம் தமிழர் கட்சி வேட்பாளர் சீதாலட்சுமி தெரிவித்துள்ளார்.

ஈரோடு கிழக்கு தொகுதி இடைத்தேர்தல் பிப்ரவரி 5-ம் தேதி நடக்கிறது. பிரதான கட்சிகள் தேர்தலை புறக்கணித்துள்ள நிலையில், திமுக – நாம் தமிழர் கட்சி இடையே இருமுனைப் போட்டி ஏற்பட்டுள்ளது. திமுக வேட்பாளர் சந்திரகுமார், நாம் தமிழர் வேட்பாளர் சீதாலட்சுமி ஆகியோர் வாக்கு சேகரிக்கும் பணியில் தீவிரமாக ஈடுபட்டுள்ளனர்.