ரேஷன் கடை முன் போராட்டம்

விருதுநகர், ஜன.10: பொங்கல் பரிசு தொகுப்பு வழங்கிய ரேஷன் கடையில் மக்கள் போராட்டம் நடத்தினர். விருதுநகர் மாவட்டத்தில் ரேசன்கார்டுதரர்களுக்கு பொங்கல் தொகுப்பு வழங்கும் பணி நேற்று துவக்கி வைக்கப்பட்டது. விருதுநகர் பாத்திமா நகர் ரேசன் கடையில் நடுத்தெரு, கிருஷ்ணமாச்சாரி ரோடு, காளியம்மன் கோவில் தெரு, பாத்திமாநகர் மெயின் ரோடு, முத்துராமலிங்கம் நகர், நிறைவாழ்வு நகர் ஆகிய பகுதிகளில் வசிக்கும் 1050 கார்டுதாரர்களுக்கு விநியோகம் நடைபெற்று வருகிறது.

983 பேருக்கு பொங்கல் தொகுப்பு பெறுவதற்கான டோக்கன்கள் வழங்கப்பட்டன. இந்த கடைக்கு 800 வேட்டி, சேலைகள் மட்டுமே ஒதுக்கீடு செய்யப்பட்டிருந்தன. அதிலும் 507 கார்டுகளுக்கு மட்டும் வேஷ்டி, சேலை வழங்க வேண்டுமென வட்ட வழங்கல் அலுவலகத்தில் இருந்து உத்தரவு வந்துள்ளது. பொங்கல் தொகுப்பு வாங்க வந்த கார்டுதாரர்கள் அதிர்ச்சி அடைந்தனர். அனைத்து கார்டுதாரர்களுக்கும் இலவச வேஷ்டி, சேலை வழங்க வேண்டும் என்று கூறி போராட்டம் நடத்தினர்.

The post ரேஷன் கடை முன் போராட்டம் appeared first on Dinakaran.