ரூ10,000 லஞ்சம்: தாசில்தார் கைது

கெங்கவல்லி: சேலம் மாவட்டம், கெங்கவல்லி அருகே தம்மம்பட்டி பேரூராட்சி செல்வம் நகரை சேர்ந்தவர் தன்ராஜ் மனைவி மஞ்சுளா (47). இவருக்கு சொந்தமாக ஜங்கமசமுத்திரம் மாரியம்மன் கோயில் அருகே, 7 ஏக்கர் விவசாய நிலம் உள்ளது. இந்த நிலத்தையொட்டி உள்ள நீரோடை பகுதியை, அருகில் வசித்து வரும் சுப்பிரமணி என்பவர் ஆக்கிரமிப்பு செய்துள்ளார்.

இதை அகற்ற நீதிமன்றம் உத்தரவிட்டும், கெங்கவல்லி தாசில்தார் பாலகிருஷ்ணன், மஞ்சுளாவிடம் ரூ5 லட்சம் லஞ்சம் கேட்டுள்ளார். இதை மஞ்சுளாவின் வக்கீல் மற்றும் மின்வாரிய உதவி செயற்பொறியாளர் ஒருவர், நேற்று மாலை தாசில்தார் பாலகிருஷ்ணனிடம் கொடுத்தபோது மாறுவேடத்தில் இருந்த லஞ்ச ஒழிப்பு போலீசார், அவரை கைது செய்தனர். பின்னர், அலுவலகத்திலும், வீட்டிலும் 3 மணி நேரம் சோதனை நடத்தினர்.

The post ரூ10,000 லஞ்சம்: தாசில்தார் கைது appeared first on Dinakaran.