ரூ.50 கோடி கடன், 4 கார்கள்: கமல்ஹாசனின் சொத்து மதிப்பு எவ்வளவு?

சென்னை: மநீம தலைவர் கமல்ஹாசனின் வேட்புமனுவில் தெரிவிக்கப்பட்ட தகவல்களின்படி, அவரின் அசையும் சொத்துகளின் மதிப்பு ரூ.59.69 கோடி என்றும், அசையா சொத்துகளின் இப்போதைய சந்தை மதிப்பு ரூ.245.86 கோடி எனவும், கடன் மதிப்பு ரூ.49.67 கோடி எனவும் தெரிவிக்கப்பட்டுள்ளது.

தமிழகத்தை சேர்ந்த திமுக மாநிலங்களவை எம்பிக்கள் எம்.சண்முகம், முகமது அப்துல்லா, பி.வில்சன், பாமக எம்.பி அன்புமணி, அதிமுக எம்.பி சந்திரசேகரன், மதிமுக எம்.பி வைகோ ஆகியோரின் பதவிக் காலம் ஜூலை 24-ம் தேதியுடன் நிறைவடைகிறது. இதனையடுத்து தமிழகத்தில் இருந்து 6 புதிய மாநிலங்களவை உறுப்பினர்களை தேர்வு செய்ய ஜூன் 19-ம் தேதி தேர்தல் நடைபெறவுள்ளது. இதற்கான வேட்புமனுத் தாக்கல் ஜூன் 2-ம் தேதி தொடங்கியது.