ராமேசுவரம்-ஹூப்ளி சிறப்பு ரெயில் மீண்டும் இயக்கம்

சென்னை,

கர்நாடக மாநிலம் ஹூப்ளி-ராமேசுவரம் இடையே இயக்கப்படும் சிறப்பு ரெயில் (வண்டி எண்.07355) சேவை மார்ச் 22,29 ஏப்ரல் 5,12,19,26 ஆகிய தேதிகளிலும், ரமேசுவரம்-ஹூப்ளி இடையே இயக்கப்படும் சிறப்பு ரெயில் (07356) சேவை மார்ச் 23,30 ஏப்ரல் 6,13,20,27 ஆகிய தேதிகளிலும் இருமார்க்கமாகவும் தலா 6 சேவை ரத்து செய்யப்படுவதாக கடந்த மாதம் 12-ந்தேதி தெற்கு ரெயில்வே தெரிவித்திருந்தது.

இந்தநிலையில், ராமேசுவரம்-ஹூப்ளி இருமார்க்கமாகவும் 3 சேவைகள் ரத்து செய்யப்பட்டு, 3 சேவைகள் இயக்கப்படுவதாக தெற்கு ரெயில்வே தெரிவித்துள்ளது. இதுகுறித்து, தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

ஹூப்ளியில் இருந்து காலை 6.50 மணிக்கு புறப்பட்டு மறுநாள் காலை 6.15 மணிக்கு ராமேசுவரம் வரும் சிறப்பு ரெயில் ஏப்ரல் 12,19,26 ஆகிய தேதிகளில் இயக்கப்படுகிறது. மறுமார்க்கமாக, ராமேசுவரத்தில் இருந்து இரவு 9 மணிக்கு புறப்பட்டு மறுநாள் இரவு 7.40 மணிக்கு ஹூப்ளி செல்லும் சிறப்பு ரெயில் ஏப்ரல் 13,20,27 ஆகிய தேதிகளில் இயக்கப்படுகிறது. இந்த சிறப்பு ரெயில்கள் ராமேசுவரம் செல்லாமல் ராமநாதபுரத்தில் நிறுத்தப்படும். இவ்வாறு அதில் கூறப்பட்டுள்ளது.