ராமநாதபுரம் மாவட்டத்தில் வீடுகளைச் சூழ்ந்த மழைநீர் - வெள்ளத்தில் மூழ்கி 10,000 ஏக்கரில் பயிர்கள் சேதம்

ராமநாதபுரம்: ராமநாதபுரம் மாவட்டம் பரமக்குடியில் தொடர் கனமழையால் குடியிருப்புகளை மழைநீர் சூழ்ந்தது. கடலாடி தாலுகாவில் 10 ஆயிரம் ஏக்கர் மிளகாய், மல்லி உள்ளிட்ட பயிர்கள் நீரில் மூழ்கின.

ராமநாதபுரம் மாவட்டம் முழுவதும் பரவலாக கடந்த 2 நாட்களாக தொடர் மழை பெய்து வருகிறது. அதனால் நேற்றம், இன்றும் (டிச.13) பள்ளிகளுக்கு விடுமுறை அளிக்கப்பட்டது. கடந்த 24 மணி நேரத்தில் மாவட்டத்தில் அதிகபட்சமாக கமுதியில் 17 செ.மீ மழை பதிவாகியுள்ளது. பரமக்குடி, கடலாடி, வாலிநோக்கம் ஆகிய பகுதிகளில் 10 செ.மீ-க்கும் மேல் மழை பதிவாகியுள்ளது.