“ரயில் விபத்து குறித்த ராகுல் காந்தியின் விமர்சனம் சிறுபிள்ளைத்தனமானது” - எல்.முருகன்

திருச்சி: “நேற்று இரவு நடைபெற்ற ரயில் விபத்து குறித்து நாடாளுமன்ற எதிர்க்கட்சித் தலைவர் ராகுல் காந்தியின் விமர்சனம் சிறுபிள்ளைத்தனமானது,” என மத்திய இணை அமைச்சர் எல். முருகன் கூறியுள்ளார்.

மத்திய தகவல் ஒலிபரப்புத் துறை இணை அமைச்சர் எல். முருகன், திருச்சி ஸ்ரீரங்கத்தில் உள்ள ரங்கநாதர் கோயிலில் இன்று (அக்.12) புரட்டாசி மாத கடைசி சனிக்கிழமையை முன்னிட்டு சாமி தரிசனம் செய்தார். அவருக்கு கோயில் நிர்வாகத்தின் சார்பில் மரியாதை அளித்து வரவேற்பு அளிக்கப்பட்டது. இதனைத் தொடர்ந்து, பெருமாள், தாயார், சக்கரத்தாழ்வார் உள்ளிட்ட சன்னதிகளில் சாமி தரிசனம் செய்தார். பின்னர் செய்தியாளர்களைச் சந்தித்த அவர் கூறியது: “நான் புரட்டாசி கடைசி சனிக்கிழமையில் பெருமாளை வழிபடுவது வழக்கம். இதன்படி, தென்திருப்பதி என அழைக்கப்படும் ஸ்ரீரங்கத்தில் சாமி தரிசனம் செய்துள்ளதை எனது பாக்கியமாக கருதுகிறேன்.