ரயில் ஓட்டுநர்கள் ஆர்ப்பாட்டம்

ஈரோடு, ஜன.28: ஈரோடு ரயில்வே ஸ்டேஷன் வளாகத்தில் அகில இந்திய ரயில்வே ஓட்டுநர்கள் சங்கத்தினர் நேற்று ஆர்ப்பாட்டத்தில் ஈடுபட்டனர். ஆர்ப்பாட்டத்திற்கு அச்சங்கத்தின் கிளை செயலாளர் பெரோஜ் ரகுமான் தலைமை தாங்கினார். இதில், ரயில் ஓட்டுநர்கள் மீது சட்ட விரோதமான குற்றப்பத்திரிகை தாக்கல் செய்வதை நிறுத்த வேண்டும்.

சிவிவிஆர் பகுப்பாய்வின் அடிப்படையில் ரயில் ஓட்டுநர்களுக்கு எதிராக எடுக்கப்படும் தண்டனை நடவடிக்கைகளையும், ரயில்வே அமைச்சரின் உறுதி மொழிக்கு எதிராக சிவிவிஆர்எஸ் தரவுகளை ரயில் ஓட்டுநர்களுக்கு எதிராக பயன்படுத்துவதை கைவிடக்கோரியும் கோஷங்கள் எழுப்பி ஆர்ப்பாட்டத்தில் ஈடுபட்டனர். இதில், ஏராளமான ரயில் ஓட்டுநர்கள் கலந்து கொண்டனர்.

The post ரயில் ஓட்டுநர்கள் ஆர்ப்பாட்டம் appeared first on Dinakaran.