யானைகளுக்கான வழித்தடத்தை உறுதி செய்யும் வரை எஃகு கம்பி வேலி அமைக்கக்கூடாது: ஐகோர்ட் உத்தரவு

சென்னை: யானைகளுக்கான நீர் ஆதாரம் மற்றும் வழித்தடத்தை உறுதி செய்யும் வரை வனப்பகுதியை ஒட்டிய பகுதிகளில் எஃகு கம்பி வேலி அமைக்கக்கூடாது என எதிர்ப்பு தெரிவித்து தொடரப்பட்ட வழக்கில், தற்போதைய நிலையே நீடிக்க உயர் நீதிமன்றம் உத்தரவிட்டுள்ளது.

தமிழக வனப்பகுதிகளில் இருந்து வனத்தை ஒட்டிய ஊருக்குள் புகுந்து விடும் யானைகளால் அவ்வப்போது உயிரிழப்புகளும், பயிர்கள் சேதமடைவதும் வாடிக்கையாக இருந்து வருகிறது. இதைத்தடுக்கும் வகையில் ஓசூர் பகுதியில் வனப்பகுதியை ஒட்டிய பகுதிகளில் யானைகள் ஊருக்குள் புகுந்து விடாமல் இருக்க எஃகு கம்பி வேலி அமைக்கப்பட்டுள்ளது. அதன் தொடர்ச்சியாக கோவையில் தொண்டாமுத்தூர் முதல் தடாகம் வரை 10 கிமீ தூரத்துக்கு எஃகு கம்பி வேலி அமைக்க தமிழக அரசு நடவடிக்கை எடுத்து வருகிறது.