முதலிடம் நோக்கி பஞ்சாப் முடிந்த சோகத்தில் டெல்லி

* ஐபிஎல் தொடரின் 66வது லீக் போட்டி, ஜெய்ப்பூரில் இன்று இரவு 7.30 மணிக்கு நடக்கிறது.
* இப்போட்டியில் ஷ்ரேயாஸ் ஐயர் தலைமையிலான பஞ்சாப் கிங்ஸ் அணியும், அக்சர் படேல் தலைமையிலான டெல்லி கேபிடல்ஸ் அணியும் மோதுகின்றன.
* பஞ்சாப் அணி இதுவரை 12 போட்டிகளில் ஆடி 8 வெற்றிகளுடன், 17 புள்ளி பெற்று பட்டியலில் 3ம் இடத்தில் உள்ளது. பஞ்சாப், ஏற்கனவே பிளே ஆப் சுற்றுக்கு தகுதி பெற்று விட்டது.
* டெல்லி அணி, 13 போட்டிகளில் ஆடி 6 வெற்றிகளுடன், 13 புள்ளி பெற்று, பட்டியலில் 5ம் இடத்தில் உள்ளது. இந்த அணி, பிளே ஆப் சுற்றுக்கு செல்லும் தகுதியை இழந்துள்ளது.
* பஞ்சாப் அணி கடைசியாக ஆடிய 5 போட்டிகளில், ஒன்றில் தோல்வி, ஒன்றில் டை, 3ல் வெற்றி பெற்றுள்ளது.
* டெல்லி அணி கடைசியாக ஆடிய 5 போட்டிகளில், 4ல் தோல்வி, ஒன்றில் டை கண்டுள்ளது.
* பஞ்சாப் – டெல்லி அணிகள் இதுவரை, 34 போட்டிகளில் நேருக்கு நேர் களம் கண்டுள்ளன.
* அவற்றில், டெல்லி 16, பஞ்சாப் 17 போட்டிகளில் வென்றுள்ளன. ஒரு போட்டி கைவிடப்பட்டது.
* இப்போட்டிகளில் அதிகபட்சமாக பஞ்சாப் 202 ரன்களையும், டெல்லி 231 ரன்களையும் குவித்துள்ளன.
* இந்த இரு அணிகளும் கடைசியாக மோதிய 5 போட்டிகளில் தலா 2 வெற்றி, தோல்விகளை சந்தித்துள்ளன. ஒரு போட்டி டை ஆனது.
* இன்றைய போட்டியில் பஞ்சாப் வென்றால், புள்ளிப் பட்டியலில் மேலே செல்லும். மாறாக, டெல்லி வென்றால் பஞ்சாப் அணியின் ரன் ரேட் விகிதம் சற்று குறையும்.

The post முதலிடம் நோக்கி பஞ்சாப் முடிந்த சோகத்தில் டெல்லி appeared first on Dinakaran.