மீண்டும் புதிய உச்சத்தில் தங்கம் விலை.. ஒரே நாளில் ரூ.960 உயர்ந்து சவரன் ரூ.62,000ஐ நெருங்கியது; நகை வாங்குவோர் அதிர்ச்சி!!

சென்னை: சென்னையில் ஆபரணத்தங்கத்தின் விலை சவரனுக்கு ஒரே நாளில் ரூ.960 உயர்ந்து ரூ.61,840க்கு விற்பனை செய்யப்படுகிறது. தங்கம் விலை கடந்த சில மாதங்களாக தினம், தினம் புதிய உச்சத்தை தொட்டு வருகிறது. இதன் ஒரு பகுதியாக கடந்த 24ம் தேதி ஒரு சவரன் ரூ.60 ஆயிரத்தை தாண்டி வரலாறு காணாத புதிய உச்சத்தை பதிவு செய்தது. இது நகை வாங்குவோரை கடும் அதிர்ச்சிக்குள்ளாக்கியது. அதன் பிறகு தொடர்ந்து தங்கம் விலை ஏறுவதும், இறங்குவதுமாக இருந்து வந்தது.

இதையடுத்து நேற்று முன்தினம் தங்கம் விலை சவரனுக்கு ரூ.680 அதிரடியாக உயர்ந்து, ஒரு சவரன் ரூ.61,000ஐ நெருங்கியது. ஆபரணத்தங்கம் ஒரு கிராம் ரூ.7,595-க்கும் சவரன் ரூ.60,760க்கும் விற்பனை ஆகிறது. இந்த நிலையில் நேற்றும் மேலும் தங்கம் விலை சவரனுக்கு ரூ.120 உயர்ந்து ரூ.60,880க்கு விற்பனை செய்யப்பட்டது. தங்கம் விலை கிராமுக்கு ரூ.15 உயர்ந்து ரூ.7,610க்கு விற்பனை செய்யப்பட்டது.

இந்நிலையில் இன்று தங்கம் விலை ரூ.960 உயர்ந்து புதிய உச்சத்தை தொட்டுள்ளது. சென்னையில் ஆபரணத்தங்கத்தின் விலை ரூ.960 உயர்ந்து ஒரு சவரன் ரூ.61,840க்கு விற்பனை செய்யப்படுகிறது. சென்னையில் ஆபரணத்தங்கம் ஒரு கிராம் ரூ.120 உயர்ந்து ரூ.7,730க்கு விற்பனை ஆகிறது. அதே போல், சென்னையில் சில்லறை வர்த்தகத்தில் ஒரு கிராம் வெள்ளி விலை ரூ.1 உயர்ந்து ரூ.107க்கு விற்பனை செய்யப்படுகிறது.

The post மீண்டும் புதிய உச்சத்தில் தங்கம் விலை.. ஒரே நாளில் ரூ.960 உயர்ந்து சவரன் ரூ.62,000ஐ நெருங்கியது; நகை வாங்குவோர் அதிர்ச்சி!! appeared first on Dinakaran.