மின்சாரம் தாக்கி விவசாயி பலி

தர்மபுரி, டிச.10: தர்மபுரி மாவட்டம், கோபிநாதம்பட்டி அலமேலுபுரம் காந்திநகர் பகுதியைச் சேர்ந்தவர் மோகன்(45). விவசாயியான இவருக்கு திருமணமாகி குழந்தைகள் உள்ளனர். அதே பகுதியில் நிலத்தை குத்தகைக்கு எடுத்து மோகன் விவசாயம் செய்து வந்தார். இந்நிலையில், நேற்று முன்தினம் துவைத்த துணிகளை, நிலம் வழியாக போர்வெல்லுக்கு செல்லும் மின்ஒயரில் காய போட்டுள்ளார். அப்போது, எதிர்பாராத விதமாக அவர் மீது மின்சாரம் பாய்ந்து தூக்கி வீசப்பட்டார். அவரை அங்கிருந்தவர்கள் மீட்டு மருத்துவமனைக்கு கொண்டு சென்றனர். அங்கு மருத்துவர்கள் பரிசோதித்து பார்த்து, அவர் இறந்துவிட்டதாக தெரிவித்தனர். இதுகுறித்து கோபிநாதம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.

The post மின்சாரம் தாக்கி விவசாயி பலி appeared first on Dinakaran.