மின் மீட்டர் தட்டுப்பாட்டை போக்கும் வகையில் புதிதாக 12 லட்சம் மீட்டர்கள் வாங்க உத்தரவு

சென்னை: மீட்டர் தட்டுப்பாட்டை நீக்க புதிதாக 12 லட்சம் மீட்டர்களை வாங்க மின்வாரியம் பணி ஆணை வழங்கி உள்ளது.

தமிழகத்தில் விவசாயம், குடிசைவீடு தவிர மற்ற அனைத்துப் பிரிவுகளிலும் மின் பயன்பாட்டைக் கணக்கெடுக்க மீட்டர்கள் பொருத்தப்பட்டுள்ளன. வீடுகளுக்கு ஒருமுனை, மும்முனை போன்ற பிரிவுகளில் மின் இணைப்பு வழங்குவதற்கு ஏற்ப தனித்தனி மீட்டர்கள் பொருத்தப்படுகின்றன. தற்போது புதிய மின் இணைப்புக்கு விண்ணப்பித்துள்ள பலருக்கு மீட்டர் வழங்காமல் தாமதம் செய்யப்படுவதாக புகார் எழுந்தது.