மண்டபம் திமுக சார்பில் மழை பாதித்த மக்களுக்கு உணவு பொருட்கள் வழங்கல்

மண்டபம்,நவ.22: மண்டபத்தில் வீடுகளில் மழை நீரால் பாதிக்கப்பட்டு தவித்து வந்து பொதுமக்களுக்கு மண்டபம் திமுக சார்பில் உணவு பொருட்கள் நேற்று வழங்கப்பட்டது. மண்டபம் பேரூராட்சிக்குட்பட்ட கலைஞர் நகர், பெரியார் நகர், எருமை தரவை மற்றும் காந்தி நகர் ஆகிய பகுதிகளில் கனமழையில் மழை நீர் வீடுகளில் புகுந்தது. இதனால் வீடுகளை இழந்து பொதுமக்கள் பாதிக்கப்பட்டுள்ளனர்.
இந்நிலையில் பாதிக்கப்பட்ட பொதுமக்களை மண்டபம் பேரூராட்சி பகுதியில் உள்ள பேரிடர் மேலாண்மை மீட்பு மையத்தில், பேரூராட்சி நிர்வாகம் தங்க வைக்கப்பட்டுள்ளது.

அந்த மையத்தில் பொதுமக்களுக்கு மண்டபம் திமுக சார்பில் நகர செயலாளர் அப்துல் ரஹ்மான் நேற்று நேரில் சந்தித்து உணவு பொருட்களை வழங்கினார். அப்போது வருவாய் கோட்டாட்சியர் ராஜமனோகரன் கலந்து கொண்டு பாதிக்கப்பட்ட பொதுமக்களுக்கு உணவுப் பொருட்களை வழங்கினார். இந்த நிகழ்ச்சியில் மண்டபம் பகுதியைச் சேர்ந்த திமுக நிர்வாகிகளும், தொண்டர்களும் ஏராளமான கலந்து கொண்டனர்.

The post மண்டபம் திமுக சார்பில் மழை பாதித்த மக்களுக்கு உணவு பொருட்கள் வழங்கல் appeared first on Dinakaran.