மக்களவை எதிர்க்கட்சித் தலைவர் ராகுல் காந்திக்கு பிறந்தநாள்: பிரதமர் மோடி, காங். தலைவர் கார்கே வாழ்த்து!!

டெல்லி: மக்களவை எதிர்க்கட்சித் தலைவர் ராகுல் காந்திக்கு பிரதமர் மோடி, காங்கிரஸ் தலைவர் மல்லிகார்ஜுன கார்கே மற்றும் தமிழக காங்கிரஸ் கமிட்டி தலைவர் செல்வப்பெருந்தகை பிறந்தநாள் வாழ்த்து தெரிவித்துள்ளனர். காங்கிரஸ் கட்சியின் முன்னாள் தலைவரும் மக்களவை எதிர்க்கட்சித் தலைவருமான ராகுல் காந்தி இன்று தனது பிறந்தநாளை கொண்டாடுகிறார். இதையொட்டி நாடு முழுவதும் காங்கிரஸ் கட்சியினர் ராகுல் காந்தியின் பிறந்தநாளை கொண்டாடி வருகின்றனர். காங்கிரஸ் தொண்டர்கள், தலைவர்கள், பல்வேறு கட்சிகளின் தலைவர்கள் என பல தரப்பினரும் ராகுலுக்கு வாழ்த்து தெரிவித்து வருகின்றனர்.

இந்நிலையில், ராகுல் காந்திக்கு பிரதமர் மோடி, காங்கிரஸ் தலைவர் மல்லிகார்ஜுன கார்கே மற்றும் தமிழக காங்கிரஸ் கமிட்டி தலைவர் செல்வப்பெருந்தகை ஆகியோர் பிறந்தநாள் வாழ்த்து தெரிவித்துள்ளனர். இது தொடர்பாக அவர்கள் தனது எக்ஸ் பக்கத்தில் கூறிய வாழ்த்து செய்தியில்;

பிரதமர் மோடி வாழ்த்து:
மக்களவை எதிர்க்கட்சித் தலைவர் ராகுல் காந்திக்கு இனிய பிறந்தநாள் வாழ்த்துகள். ஆரோக்கியமான, நீண்ட வாழ்வை அவர் பெற்றிட வாழ்த்துகிறேன் என்று பிரதமர் மோடி எக்ஸ் தளத்தில் பதிவிட்டுள்ளார்.

மல்லிகார்ஜுன கார்கே வாழ்த்து:
ராகுல்காந்திக்கு மனமார்ந்த பிறந்தநாள் வாழ்த்துக்கள். அரசியலமைப்பின் மதிப்புகளுக்கு நீங்கள் காட்டும் தெளிவான அர்ப்பணிப்பும், பல மில்லியன் மக்களின் குரல்கள் கேட்கப்படாமல் போகும் சமூக, அரசியல் மற்றும் பொருளாதார நீதிக்கான உங்கள் ஆழ்ந்த இரக்கமும் உங்களை தனித்து நிற்க வைக்கிறது.

உங்கள் செயல்கள் காங்கிரஸ் கட்சியின் வேற்றுமையில் ஒற்றுமை, நல்லிணக்கம் மற்றும் இரக்கம் என்ற சித்தாந்தத்தை தொடர்ந்து பிரதிபலிக்கின்றன. உண்மையை ஆட்சிக்குக் கொண்டு வந்து கடைசி நபரை ஆதரிக்கும் உங்கள் பணியைத் தொடரும்போது, ​​நீங்கள் நீண்ட, ஆரோக்கியமான மற்றும் மகிழ்ச்சியான வாழ்க்கையை வாழ வாழ்த்துகிறேன்.

செல்வப்பெருந்தகை வாழ்த்து:
எங்கள் அன்பான தலைவர் ராகுல்காந்திக்கு பிறந்தநாள் வாழ்த்துக்கள். இந்த நாளில், வகுப்புவாத மற்றும் மத பாசிசத்திற்கு எதிரான அவரது போராட்டத்திற்கும், நல்லிணக்கம், சமூக நீதி, சமத்துவம் மற்றும் சகோதரத்துவத்திற்கான அவரது அர்ப்பணிப்புமிக்க பணிக்கும் நாங்கள் அவருடன் நிற்கிறோம். இவ்வாறு தெரிவித்துள்ளனர்.

The post மக்களவை எதிர்க்கட்சித் தலைவர் ராகுல் காந்திக்கு பிறந்தநாள்: பிரதமர் மோடி, காங். தலைவர் கார்கே வாழ்த்து!! appeared first on Dinakaran.