மகாராஷ்டிராவை போல தமிழகத்திலும் 2026-ல் பாஜகவின் வெற்றியை கொண்டாடுவோம்: தமிழிசை நம்பிக்கை

‘மகாராஷ்டிராவின் வெற்றியைப் போல, 2026-ல் தமிழகத்தில் பாஜகவின் வெற்றியை கமலாலயத்தில் கொண்டாடுவோம்’ என தமிழிசை சவுந்தரராஜன் நம்பிக்கை தெரிவித்தார்.

மகாராஷ்டிரா மாநிலத்தில் பாஜக கூட்டணி வெற்றி பெற்றதைத் தொடர்ந்து, சென்னை தி.நகரில் உள்ள பாஜக மாநில தலைமையகமான கமலாலயத்தில் முன்னாள் மாநில தலைவர் தமிழிசை சவுந்தரராஜன் தலைமையில் பாஜகவினர் பட்டாசு வெடித்து, இனிப்பு வழங்கி நேற்று கொண்டாடினர்.