பைக்கில் இருந்து தவறி விழுந்த தொழிலாளி பலி குடியாத்தத்தில்

குடியாத்தம், அக்.29: குடியாத்தத்தில் பைக்கில் இருந்து தவறி விழுந்த தொழிலாளர் பலியானார். குடியாத்தம் அடுத்த காமாட்சியம்மன் பேட்டை பகுதியை சேர்ந்தவர் யுவராஜ்(45), கூலி தொழிலாளி. இவர் கடந்த 20ம் தேதி மாலை வீட்டிலிருந்து பைக் மூலம் கடைக்கு சென்றார். கொச அண்ணாமலை தெருவில் சென்று கொண்டிருந்தபோது திடீரென நிலை தடுமாறி பைக்கிலிருந்து தவறி கீழே விழுந்து மயங்கினார். அவரை அங்கிருந்தவர்கள் மீட்டு குடியாத்தம் அரசு மருத்துவமனைக்கு சிகிச்சைக்காக அனுப்பி வைத்தனர். அங்கு முதலுதவி சிகிச்சை அளிக்கப்பட்டது. பின்னர் வேலூர் அரசு மருத்துவமனைக்கு அனுப்பி வைக்கப்பட்டு சிகிச்சை பெற்று வந்த நிலையில், நேற்று சிகிச்சை பலனின்றி யுவராஜ் பரிதாபமாக உயிரிழந்தார். இதுகுறித்து குடியாத்தம் டவுன் போலீசார் வழக்கு பதிவு செய்து விசாரணை நடத்தி வருகின்றனர்.

The post பைக்கில் இருந்து தவறி விழுந்த தொழிலாளி பலி குடியாத்தத்தில் appeared first on Dinakaran.