புரோ கபடி லீக்: தமிழ் தலைவாஸ் அணியை வீழ்த்தி தபாங் டெல்லி வெற்றி

ஐதராபாத்,

11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் 'பிளே-ஆப்' சுற்றுக்கு தகுதி பெறும்.

இந்த தொடரில் இன்று நடைபெற்ற முதல் லீக் ஆட்டத்தில் ஜெய்ப்பூர் பிங்க் பாந்தர்ஸ் - பாட்னா பைரேட்ஸ் அணிகள் மோதின. இந்த ஆட்டத்தில் 43-41 என்ற புள்ளிக்கணக்கில் ஜெய்ப்பூரை வீழ்த்தி பாட்னா பைரேட்ஸ் அணி வெற்றி பெற்றது.

தொடர்ந்து நடைபெற்ற மற்றொரு லீக் ஆட்டத்தில் தமிழ் தலைவாஸ் - தபாங் டெல்லி அணிகள் மோதின. விறுவிறுப்பாக நடைபெற்ற இந்த ஆட்டத்தில் தபாங் டெல்லி 39-26 என்ற புள்ளி கணக்கில் தமிழ் தலைவாஸ் அணியை வீழ்த்தி வெற்றி பெற்றது.