பார்சிலோனா ஓபன் டென்னிஸ்: கேஸ்பர் ரூட் காலிறுதிக்கு முன்னேற்றம்

மாட்ரிட்,

ஸ்பெயினின் பார்சிலோனா நகரில் பார்சிலோனா ஓபன் டென்னிஸ் தொடர் நடைபெற்று வருகிறது. ஆண்களுக்கான டென்னிஸ் தொடரில் முன்னணி வீரர்கள் பங்கேற்று உள்ளனர். கடந்த 12-ந்தேதி தொடங்கிய இந்தத் தொடர் வரும் 20-ந்தேதி வரை நடைபெற உள்ளது.

இந்நிலையில், இந்த தொடரில் ஆண்கள் ஒற்றையர் பிரிவு 2-வது சுற்று ஆட்டத்தில் செர்பியா வீரர் மெட்ஜோவிக், நார்வே வீரர் கேஸ்பர் ரூட் ஆகியோர் மோதினர். விறுவிறுப்பாக நடைபெற்ற இந்த ஆட்டத்தில் கேஸ்பர் ரூட் 7-5, 7-5 என்ற நேர் செட் கணக்கில் வெற்றி பெற்று காலிறுதி சுற்றுக்கு முன்னேறினார்.