பாகிஸ்தானுக்கு எதிரான ஒருநாள் தொடர்: தென் ஆப்பிரிக்க முன்னணி வீரர் விலகல்

டர்பன்,

பாகிஸ்தான் கிரிக்கெட் அணி தென் ஆப்பிரிக்காவில் சுற்றுப்பயணம் மேற்கொண்டு 3 போட்டிகள் கொண்ட ஒருநாள் தொடரில் விளையாடி வருகிறது. இதில் நடைபெற்ற முதல் போட்டியில் பாகிஸ்தான் வெற்றி பெற்று தொடரில் 1-0 என்ற கணக்கில் முன்னிலை வகிக்கிறது.

இதனையடுத்து இவ்விரு அணிகளுக்கு இடையிலான 2-வது ஒருநாள் போட்டி இன்றும், 3-வது மற்றும் கடைசி போட்டி வரும் 22-ம் தேதியும் நடைபெற உள்ளது.

இந்நிலையில் பாகிஸ்தானுக்கு எதிரான கடைசி 2 ஒருநாள் போட்டிகளில் இருந்து தென் ஆப்பிரிக்க அணியின் முன்னணி சுழற்பந்து வீச்சாளரான கேசவ் மகராஜ் காயம் காரணமாக விலகியுள்ளார். அவருக்கு பதிலாக பிஜோர்ன் போர்டுயின் மாற்று வீரராக அணியில் சேர்க்கப்பட்டுள்ளார்.