‘பணி செய்ய இடையூறு’ - கிராம சபைக் கூட்டத்தைப் புறக்கணித்து ஊராட்சி மன்ற தலைவர் தர்ணா @ விழுப்புரம்

விழுப்புரம்: பழங்குடி இருளர் சமூகத்தைச் சேர்ந்த தன்னை, பணி செய்யவிடாமல் சிலர் தடுப்பதாக கூறி, கிராம சபைக் கூட்டத்தைப் புறக்கணித்து விழுப்புரம் ஆட்சியர் அலுவலகத்தில் ஊராட்சிமன்ற தலைவர் சங்கீதா தர்ணா போராட்டத்தில் ஈடுபட்ட சம்பவம் அதிர்ச்சியை ஏற்படுத்தியுள்ளது.

செஞ்சி அருகே வல்லம் ஒன்றியத்துக்குட்பட்ட ஆனாங்கூர் ஊராட்சிமன்ற தலைவராக ஏழுமலை மனைவி சங்கீதா பதவி வகித்து வருகிறார். இவர் இன்று (அக்.2) மதியம் விழுப்புரம் ஆட்சியர் அலுவலக பெருந்திட்ட வளாக நுழைவு வாயில் எதிரே, திடீரென தர்ணா போராட்டத்தில் ஈடுபட்டார். அவரது கையில் வைத்திருந்த பதாகையில், “ஆனாங்கூர் ஊராட்சிமன்றத் தலைவராகிய என்னை தொடர்ந்து சாதிய வன்கொடுமை செய்துவரும் ஊராட்சி துணைத் தலைவரைக் கண்டித்து கிராம சபைக் கூட்டத்தைப் புறக்கணிக்கிறேன்,” என்று எழுதப்பட்டிருந்தது.