‘பணக்கொழுப்பு’, ‘திரள்நிதி’... சீமான் விமர்சனமும், விஜய் கட்சி பதிலடியும்!

சென்னை: விஜய் - பிரசாந்த் கிஷோர் சந்திப்பு குறித்து ‘பணக்கொழுப்பு’ என்று குறிப்பிட்டு சீமான் முன்வைத்த விமர்சனத்துக்கு, ‘திரள்நிதி’யை முன்வைத்து தவெக பதிலடி கொடுத்துள்ளது.

“நீங்கள் உடலில் கொழுப்பு கேள்விப்பட்டிருப்பீர்கள். பணக்கொழுப்பு கேள்விப்பட்டுள்ளீர்களா? எப்படி ஒருவருக்கு வாய்க்கொழுப்பு அதிகம் என்று கூறுவோமோ, அதுபோல பணக்கொழுப்பு அதிகமாக இருந்தால் இதெல்லாம் தேவைப்படும். எனவே, அதைப்பற்றி பேசி காலத்தையும், நேரத்தையும் வீணடிக்க வேண்டாம்” என்று விஜய் - பிரசாந்த் கிஷோர் சந்திப்பு குறித்த கேள்விக்கு நாதக தலைமை ஒருங்கிணைப்பாளர் சீமான் பதிலளித்திருந்தார்.