நீண்டகாலம் உடல்நலத்தோடும் மகிழ்ச்சியோடும் திகழ வேண்டும்: கேரள முதல்வர் பினராயி விஜயனுக்கு மு.க.ஸ்டாலின் பிறந்தநாள் வாழ்த்து

சென்னை: நீண்டகாலம் உடல் நலத்தோடும் மகிழ்ச்சியோடும் திகழ வேண்டும் என கேரள முதல்வர் பினராயி விஜயனுக்கு முதல்வர் மு.க.ஸ்டாலின் பிறந்தநாள் வாழ்த்து தெரிவித்துள்ளார். இது தொடர்பாக முதல்வர் மு.க.ஸ்டாலின் வெளியிட்டுள்ள எக்ஸ் பதிவு:

கேரள முதல்வரும் எனது அன்பு தோழருமான பினராயி விஜயனுக்கு நெஞ்சம் நிறைந்த பிறந்தநாள் வாழ்த்துகள். முற்போக்கான அரசு நிர்வாகத்தின் மீதான தங்களது அர்ப்பணிப்பும், கூட்டாட்சியியல் மற்றும் மதச்சார்பின்மை மீதான நமது உறுதிப்பாடும் தமிழ்நாடு – கேரள உறவினை வலுப்படுத்துகின்றன. நமது இரு மாநிலங்களும் இணைந்து நின்று நமது பண்பாட்டு உறவுகளையும் பொதுவான இலக்குகளையும் போற்றுவோம்! தாங்கள் நீண்டகாலம் உடல்நலத்தோடும் மகிழ்ச்சியோடும் திகழ விழைகிறேன்.

The post நீண்டகாலம் உடல்நலத்தோடும் மகிழ்ச்சியோடும் திகழ வேண்டும்: கேரள முதல்வர் பினராயி விஜயனுக்கு மு.க.ஸ்டாலின் பிறந்தநாள் வாழ்த்து appeared first on Dinakaran.