தேசிய அளவில் ட்ரெண்ட் ஆகி வரும் #FairDelimitationForTN ஹேஷ்டேக் : நீதி கேட்டு வலுக்கும் மக்களின் குரல்!!

சென்னை : தொகுதி மறுவரையறையில் தமிழ்நாட்டிற்கு அரசியல் பிரதிநிதித்துவ இழப்பு ஏற்படும் என்று முதலமைச்சர் மு.க.ஸ்டாலின் பேசிய நிலையில் #FairDelimitationForTN என்ற ஹாஷ்டேக் தேசிய அளவில் ட்ரெண்ட் ஆகி வருகிறது. மக்கள் தொகைப் பெருக்கத்தைக் கட்டுப்படுத்துவதில் தமிழ்நாடு உள்ளிட்ட தென் மாநிலங்கள் மிகச் சிறப்பாகச் செயல்பட்டுள்ளன. ஆனால் அதுவே நாடாளுமன்றத்தில் தென் மாநில எம்பிக்களின் எண்ணிக்கை குறைய காரணம் ஆகிவிடுமோ என்ற அச்சம் ஏற்பட்டுள்ளன. கடந்த சில ஆண்டுகளாக தமிழ்நாடு உள்ளிட்ட தென் மாநிலங்களில் மக்கள் தொகையை வெகுவாக குறைந்துள்ள நிலையில், வடமாநிலங்களில் மக்கள் தொகை அதிகரித்து வருகிறது.

இதனிடையே 2026ம் ஆண்டு மக்கள்தொகையின் அடிப்படையில், மக்களவைத் தொகுதிகளை ஒன்றிய அரசு மறுசீரமைப்பு செய்ய வாய்ப்புள்ளதாக தகவல் வெளியாகியுள்ளது.ஒன்றிய அரசு திட்டமிட்டுள்ள தொகுதி மறுசீரமைப்பால் தமிழ்நாடு 8 மக்களவைத் தொகுதிகளை இழக்கும் நிலை ஏற்படும் என்று முதலமைச்சர் மு.க.ஸ்டாலின் தெரிவித்துள்ளார். தொகுதி மறுசீரமைப்பு என்ற பெயரில் தமிழ்நாடு உள்ளிட்ட தென் மாநிலங்களை ஒன்றிய பாஜக அரசு மேலும் வஞ்சிக்க பார்க்கிறது என்றும் முதலமைச்சர் மு.க.ஸ்டாலின் சாடியுள்ளார். இந்த நிலையில் சமூக வலைத்தளங்களில் #FairDelimitationForTN என்ற ஹாஷ்டேக் தேசிய அளவில் ட்ரெண்ட் ஆனது.

The post தேசிய அளவில் ட்ரெண்ட் ஆகி வரும் #FairDelimitationForTN ஹேஷ்டேக் : நீதி கேட்டு வலுக்கும் மக்களின் குரல்!! appeared first on Dinakaran.