தூர்தர்ஷன் இந்தி விழாவில் பங்கேற்பு: ஆளுநருக்கு எதிர்ப்பு தெரிவித்து திமுக மாணவர் அணி ஆர்ப்பாட்டம்

சென்னை: தூர்தர்ஷன் தொலைக்காட்சியில் இந்தி விழா நடத்தப்படுவதற்கும், அதில் ஆளுநர் பங்கேற்பதற்கும் எதிர்ப்பு தெரிவித்து திமுக மாணவர் அணி சார்பில் ஆர்ப்பாட்டம் நடத்தப்பட்டது.

சென்னை சிவானந்தா சாலையில் உள்ள தூர்தர்ஷன் (டிடி) தொலைக்காட்சி நிலையத்தில் அதன் பொன்விழா கொண்டாட்டத்துடன், ‘இந்தி மாதம்’ நிறைவு விழா நேற்று மாலை நடைபெற்றது. இதில் சிறப்பு விருந்தினராக ஆளுநர் ஆர்.என்.ரவி பங்கேற்றார்.