தீபாவளி பண்டிகை: 3 முன்பதிவு இல்லா சிறப்பு ரெயில்கள் இயக்கம்

 சென்னை ,

தீபாவளி பண்டிகை நாளை கொண்டாடப்படுகிறது. தீபாவளி பண்டிகையை ஒட்டி சொந்த ஊர் செல்லும் மக்களின் வசதிக்காக  முன்பதிவு இல்லா 3 சிறப்பு ரெயில்கள் இயக்க முடிவு செய்யப்பட்டுள்ளது.அதன்படி, இந்த 3 சிறப்பு ரெயில்களும் இன்று இரவு இயக்கப்படுகிறது.

எழும்பூரில் இருந்து இரவு 9.10 மணிக்கு விழுப்புரம், சிதம்பரம், தஞ்சை, வழியே திருச்சிக்கு சிறப்பு ரெயில் இயக்கப்படுகின்றன.

தாம்பரத்தில் இருந்து இரவு 12.30 மணிக்கு விழுப்புரம், விருதாச்சலம், அரியலூர் வழியே திருச்சிக்கு சிறப்பு ரெயில் இயக்கப்படுகின்றன.

சென்ட்ரலில் இருந்து இரவு 10.10 மணிக்கு அரக்கோணம், திருப்பத்தூர், திருப்பூர் வழியே கோவை போத்தனூருக்கு சிறப்பு ரெயில் இயக்கப்படுகின்றன.