திருப்பூர் மாநகராட்சியில் குடிநீர் பணியாளர்கள் சிலர் தீபாவளிக்கு கட்டாய ‘வசூல்’ செய்வதாக பொதுமக்கள் அதிருப்தி

திருப்பூர்: திருப்பூர் மாநகராட்சி பெயரில் குடிநீர் பணியாளர்கள் சிலர் தீபாவளி பண்டிகையையொட்டி கட்டாய வசூலில் ஈடுபட்டிருப்பதால் பொதுமக்கள் அதிருப்தி அடைந்துள்ளனர்.

திருப்பூர் மாநகரில் உள்ள குடியிருப்பு பகுதிகளில் வீடுகளுக்கு குடிநீர் இணைப்பு வழங்கப்பட்டு, குடிநீர் விநியோகம் செய்யப்பட்டு வருகிறது. மாநகரில் 3 குடிநீர் திட்டங்கள் இருந்து வந்த நிலையில், தற்போது 4-ம் குடிநீர் திட்டமும் துவங்கப்பட்டு பல்வேறு பகுதிகளில் வீடுகளுக்கு புதிய இணைப்புகள் வழங்கும் பணியும் தொடர்ந்து நடந்து வருகிறது. மாநகரில் ஆங்காங்கே உள்ள குடிநீர் மேல்நிலைத் தொட்டிகளில் இருந்து, சம்பந்தப்பட்ட வார்டுகளுக்கு 4 குடிநீர் திட்டங்கள் மூலம் நாள்தோறும் குடிநீர் பிரித்து அனுப்பப்படுகிறது.