திருப்பரங்குன்றம் மலை தர்காவில் ஆடு பலியிடும் விவகாரம்: 400 பேர் மீது வழக்கு

மதுரை: திருப்பரங்குன்றம் மலையிலுள்ள தர்காவில் ஆடு பலியிட முயன்றதாக இஸ்லாமிய அமைப்பினர் 200 மீதும், அனுமதியின்றி ஊர்வலம் நடத்திய இந்து முன்னணி அமைப்பைச் சேர்ந்த 200 பேர் மீதும் திருப்பரங்குன்றம் போலீஸார் 7 பிரிவுகளின் கீழ் வழக்கு பதிவு செய்துள்ளனர்.

மதுரை திருப்பரங்குன்றம் மலை உச்சியில் சுல்தான் சிக்கந்தர் பாதுஷா அவுலியா தர்கா உள்ளது. ஆண்டுதோறும் இத்தர்காவில் சந்தனக்கூடு விழா நடத்தப்படுகிறது. இத்திருவிழாவையொட்டி நேற்று ஆடு,கோழிகளை பலி கொடுத்து கந்தூரி விழா நடத்த ஐக்கிய ஜமாத் உள்ளிட்ட சில இஸ்லாமிய அமைப்புகள் முயன்றனர்.இதற்கு இந்து முன்னணி உள்ளிட்ட சில இந்து அமைப்புகள் கடும் எதிர்ப்பு தெரிவித்தனர்.