திமுகவிடம் இருந்து பாஜக தொண்டர்களை பாதுகாப்பது என் பணி: நயினார் நாகேந்திரன் உறுதி

2026 சட்டப்பேரவைத் தேர்தலில் திமுக அவுட் ஆஃப் கன்ட்ரோலுக்கு சென்றுவிடும் என்று பாஜக மாநிலத் தலைவர் நயினார் நாகேந்திரன் கூறினார்.

கோவையில் பாஜக நிர்வாகிகளுடன் மாநிலத் தலைவர் நயினார் நாகேந்திரன் எம்எல்ஏ கலந்துரையாடும் நிகழ்ச்சி நேற்று நடைபெற்றது. இதில் அவர் பேசியதாவது: 2026 சட்டப்பேரவைத் தேர்தலில் திமுகவை ஆட்சியை விட்டு வீட்டுக்கு இறைவன் அனுப்பப் போகிறான். கூட்டணி குறித்தும், எத்தனை தொகுதிகள் என்பது குறித்தும் கட்சியினர் கவலைப்பட வேண்டாம். அதுகுறித்து முகநூல், ட்விட்டரில் பதிவிட வேண்டாம். இவற்றை அகில இந்திய தலைமை முடிவு செய்யும். திமுகவிடம் இருந்து பாஜக தொண்டர்களை பாதுகாப்பது என் பணி. நமது செல்போன்களை திமுக அரசு ஒட்டுக் கேட்கிறது. தமிழகத்துக்கு மாதம் இருமுறை வருவதாக அமித்ஷா கூறியுள்ளார். பூத் கமிட்டி சரிபார்ப்பு, சீரமைப்பு ஆகியவற்றை நாம் திறம்பட மேற்கொள்ள வேண்டும்.