தமிழ்நாட்டில் 6 இடங்களில் சதமடித்த வெயில்

சென்னை,

தமிழ்நாட்டில் கடந்த சில நாட்களாக வெப்பத்தின் தாக்கம் அதிகரித்து வருகிறது. ஒரிரு மாவட்டங்களில் மழை பெய்ததபோதும் பெரும்பாலான மாவட்டங்களில் வெயில் அதிகமாக உள்ளது.

இந்நிலையில், தமிழ்நாட்டில் இன்று 6 இடங்களில் வெயில் சதம் அடித்துள்ளதாக வானிலை ஆய்வு மையம் தெரிவித்துள்ளது.

அதன்படி, தமிழ்நாட்டில் இன்று அதிகபட்சமாக வேலூரில் 102 டிகிரி பாரன்ஹீட் வெப்பம் பதிவாகியுள்ளது. அதற்கு அடுத்தபடியாக கரூர், சேலம், ஈரோடு ஆகிய 3 பகுதிகளில் தலா 101 டிகிரி பாரன்ஹீட் வெப்பம் பதிவாகியுள்ளது.

மதுரை, திருச்சியில் தலா 100 டிகிரி பாரன்ஹீட் வெப்பம் பதிவாகியுள்ளது. அதற்கு அடுத்தபடியாக திருப்பத்தூரில் 99 டிகிரி பாரன்ஹீட், சென்னையில் 97 டிகிரி பாரன்ஹீட், வால்பாறையில் 85 டிகிரி பாரன்ஹீட், குன்னூரில் 74 டிகிரி பாரன்ஹீட், கொடைக்கானலில் 69 டிகிரி பாரன்ஹீட் வெப்பம் பதிவாகியுள்ளதாக வானிலை ஆய்வு மையம் தெரிவித்துள்ளது.