தங்கம் விலை பவுனுக்கு ரூ.80 குறைந்தது

சென்னை: தங்கம் விலை நேற்று பவுனுக்கு ரூ.80 குறைந்தது. தங்கம் விலை கடந்த 22ம் தேதி ஒரே நாளில் மட்டும் கிராமுக்கு ரூ.275 உயர்ந்து ஒரு கிராம் தங்கம் ரூ.9,290க்கும், பவுனுக்கு ரூ.2,200 உயர்ந்து ஒரு பவுன் ரூ.74,320க்கு விற்பனையானது. இதன் மூலம் தங்கம் விலை வரலாற்றில் இதுவரை இல்லாத புதிய உச்சத்தை பதிவு செய்தது. இந்நிலையில் நேற்று முன்தினம் தங்கம் விலை கிராமுக்கு ரூ.275 குறைந்து, ஒரு கிராம் ரூ.9,015க்கும், பவுனுக்கு ரூ.2,200 குறைந்து ஒரு பவுன் ரூ.72,120க்கு விற்பனையானது.

நேற்று தங்கம் விலை கிராமுக்கு ரூ.10 குறைந்து ஒரு கிராம் ரூ.9,005க்கும், பவுனுக்கு ரூ.80 குறைந்து ஒரு பவுன் 72,040க்கும் விற்பனையானது. அதே நேரத்தில் வெள்ளி விலையில் மாற்றமின்றி ஒரு கிராம் ரூ.111க்கும், ஒரு கிலோ வெள்ளி ரூ.1 லட்சத்து 11 ஆயிரத்துக்கு விற்பனையானது.

The post தங்கம் விலை பவுனுக்கு ரூ.80 குறைந்தது appeared first on Dinakaran.