தங்கம் விலை சவரன் ரூ.120 உயர்ந்தது

சென்னை: தங்கம் விலை இந்த மாதம் தொடக்கத்தில் இருந்து ஏற்றம், இறக்கத்துடன் காணப்பட்டு வருகிறது. கடந்த 28ம் தேதி தங்கம் விலை கிராமுக்கு ரூ.15 குறைந்து ஒரு கிராம் ரூ.7,135க்கும், சவரனுக்கு ரூ.120 குறைந்து ஒரு சவரன் ரூ.57,080க்கும் விற்பனை செய்யப்பட்டது. நேற்று முன்தினம் (29ம் தேதி) ஞாயிற்றுக்கிழமை என்பதால் தங்கம் மார்க்கெட்டுக்கு விடுமுறை. இதனால், தங்கம் விலையில் எந்தவித மாற்றமும் இல்லாமல் முந்தைய நாள் விலையிலேயே தங்கம் விற்பனையானது. ஒரு நாள் விடுமுறைக்கு பிறகு நேற்று தங்கம் மார்க்கெட் தொடங்கியது. அதில் தங்கம் விலையில் மாற்றம் காணப்பட்டது. அதாவது தங்கம் விலை கிராமுக்கு ரூ.15 உயர்ந்து ஒரு கிராம் ரூ.7,150க்கு விற்பனையானது. சவரனுக்கு ரூ.120 உயர்ந்து ஒரு சவரன் ரூ.57,200க்கு விற்பனை செய்யப்பட்டது. வெள்ளி விலை எவ்வித மாற்றமுமின்றி ஒரு கிராம் ரூ.100க்கு விற்பனையானது. ஒரு கிலோ கட்டி வெள்ளி ரூ.1 லட்சத்துக்கு விற்கப்பட்டது.

The post தங்கம் விலை சவரன் ரூ.120 உயர்ந்தது appeared first on Dinakaran.