டேங்கர் லாரிகள் கவிழ்ந்தாலும் வெடிக்காது... ஏன்? - வல்லுநர்கள் தகவல்

கோவை: சமையல் எரிவாயு மற்றும் பெட்ரோல், டீசல் டேங்கர் லாரிகள் கவிழ்ந்து கசிவு ஏற்பட்டாலும் உடனடியாக வெடிக்காது. பாதுகாப்பு வழிமுறைகளை பின்பற்றி அச்சம் கொள்ளாமல் மக்கள் விழிப்புணர்வுடன் செயல்பட்டால் போதும் என பாரத் பெட்ரோலியம் நிறுவனத்தின் முன்னாள் பாதுகாப்பு பிரிவு அதிகாரி தெரிவித்தார்.

கோவை, இருகூர் பாரத் பெட்ரோலியம் நிறுவனத்தின் பாதுகாப்பு பிரிவு முன்னாள் மேலாளர் எஸ்.பி.செந்தில்குமார் ‘இந்து தமிழ் திசை’ நாளிதழ் செய்தியாளரிடம் கூறியது: கோவையில் சமையல் எரிவாயு டேங்கர் லாரி கவிழ்ந்தது போன்ற சம்பவங்கள் நடைபெறும்போது மக்கள் முதலில் அச்சம் கொள்ள தேவையில்லை. ஏனென்றால் இதுபோன்ற டேங்கர் லாரிகளில் மூன்று அடுக்கு பாதுகாப்பு கட்டமைப்பு வசதிகள் ஏற்படுத்தப்பட்டிருக்கும்.