டெல்லி புதிய பாஜ அரசு 19ம் தேதி பதவியேற்பு?

புதுடெல்லி: டெல்லி சட்டமன்ற தேர்தலில் 27 ஆண்டுகளுக்கு பிறகு பாஜ வெற்றி பெற்றுள்ளது. பிரதமர் மோடி, அமெரிக்காவுக்கு சென்றதால் புதிய அமைச்சரவை பதவியேற்பு விழா தாமதமாகியுள்ளது. ரஜோரி கார்டன் தொகுதியில் போட்டியிட்ட மஞ்சிந்தர் சிங் சிர்சா முதல்முறையாக தேர்தலில் வெற்றி பெற்றுள்ளார்.

முதல்வர் பதவிக்கான வேட்பாளர்களில் மஞ்சிந்தர் சிங்கும் இருக்கிறார் என கூறப்படுகிறது. நேற்று அவர் கூறுகையில், ‘‘சட்டமன்ற பாஜ கட்சி தலைவரை தேர்ந்தெடுப்பதற்கான மேலிட பார்வையாளர்கள் குழு விரைவில் நியமிக்கப்படும். வரும் 19 அல்லது 20ம் தேதி புதிய அரசின் பதவியேற்பு விழா நடைபெறும். 20ம் தேதிக்குள் புதிய அரசு அமைக்கப்பட்டு விடும் ’’ என்றார்.

The post டெல்லி புதிய பாஜ அரசு 19ம் தேதி பதவியேற்பு? appeared first on Dinakaran.