டிஎன்பிஎஸ்சி தேர்வு தகவல்களை டெலிகிராம் சேனலிலும் அறியலாம்

சென்னை: தேர்வு தொடர்பான செய்தி மற்றும் தகவல்களை அறிந்து கொள்ளும் வகையில் டிஎன்பிஎஸ்சி, டெலிகிராம் சேனலிலும் தனது பதிவுகளை வெளியிட உள்ளது. தமிழ்நாடு அரசு பணியாளர் தேர்வாணையம் அவ்வப்போது தேர்வுக்கான அறிவிப்புகள், தேர்வு முடிவுகள் தேர்வர்களுக்கான அறிவுரைகள் டிஎன்பிஎஸ்சியின் அதிகாரப்பூர்வ இணையதளம் மற்றும் டிஎன்பிஎஸ்சியின் எக்ஸ் தளம் வாயிலாகவும் வெளியிடப்பட்டு வருகிறது. இந்த நிலையில் தேர்வர்கள் தேர்வுகள் தொடர்பான செய்திகள் மற்றும் தகவல்களை உடனுக்குடன் தெரிந்து கொள்ள அதிகாரப்பூர்வ டெலிகிராம் சேனலை டிஎன்பிஎஸ்சி ஆரம்பித்துள்ளது. மேலும் டெலிகிராம் சேனலில் சேர கியூஆர் குறியீட்டையும் வெளியிட்டுள்ளது. அதனை ஸ்கேன் செய்து கொள்ளலாம் என்று டிஎன்பிஎஸ்சி அறிவித்துள்ளது.

The post டிஎன்பிஎஸ்சி தேர்வு தகவல்களை டெலிகிராம் சேனலிலும் அறியலாம் appeared first on Dinakaran.