சைபர் க்ரைம் மோசடிகளில் இருந்து மூத்த குடிமக்கள் பாதுகாத்து கொள்வது எப்படி? - நிபுணர்கள் விளக்கம்

சென்னை: மூத்த பெரு​மக்கள் ஆதரவு மன்றம் சார்​பில் பொது​மக்கள் குறிப்பாக மூத்த குடிமக்கள் சைபர் கிரிமினல்​களின் மிரட்​டல்​கள், அதனால் ஏற்படும் இடர்​பாடு​களில் இருந்து தப்பிப்​பது, விழிப்புடன் இருப்பது தொடர்பான விழிப்பு​ணர்வு நிகழ்ச்சி சென்னை​யில் நேற்று நடைபெற்​றது.

மூத்த பெரு​மக்கள் ஆதரவு மன்றத்​தின் தலைவரும் முன்​னாள் நீதிப​தி​யுமான டி.என்​.வள்​ளி​நாயகம் வரவேற்​றார். இந்த நிகழ்​வில் சிறப்பு விருந்​தின​ராகக் கலந்​து​ கொண்ட வருமான வரித்​துறை ஆணையர் வி.நந்​தகு​மார் பேசி​ய​தாவது: கிரெடிட், டெபிட் கார்டு, மெயில் ஐடி, நெட்​பேங்​கிங் போன்ற​வற்றில் எளிதில் அறிந்து கொள்​ளும் வகையில் ‘பாஸ்​வேர்டு’ வைக்​கக் ​கூடாது. அவ்வாறு செய்​தால் அதனை எளிதாக தெரிந்து கொண்டு சைபர் குற்​றவாளிகள் அந்த பாஸ்​வேர்டை பயன்​படுத்தி உங்கள் தகவல்​கள், தரவுகளை எடுத்து பணத்தை திருடும் அபாயம் உள்ளது. எனவே, அதனை அடிக்கடி மாற்ற வேண்​டும்.