சென்னை உலகப் பட விழா விளம்பர பலகையில் எம்ஜிஆர் படமும் இடம்பெற பாஜக கோரிக்கை

சென்னை: “சென்னை உலக சினிமா விழாவுக்கு வைக்கப்பட்ட விளம்பரப் பலகையில் எம்ஜிஆர் படமும் இடம் பெற வேண்டும்” என தமிழக பாஜக வலியுறுத்தி உள்ளது.

சென்னை உலக சினிமா விழா சென்னையில் 7 நாட்கள் நடைபெறுகிறது. இந்நிலையில், சென்னை உலக சினிமா விழாவுக்கு வைக்கப்பட்ட விளம்பர பலகையில் கலைவாணர் என்.எஸ்.கிருஷ்ணன், அறிஞர் அண்ணா, எம்.ஆர்.ராதா, சிவாஜி கணேசன், கருணாநிதி, முதல்வர் ஸ்டாலின், துணை முதல்வர் உதயநிதி ஸ்டாலின் ஆகியோரின் படங்கள் இடம் பெற்றுள்ளன. ஆனால், எம்ஜிஆர் படம் இடம்பெறவில்லை. இதைச் சுட்டிக்காட்டி, அந்த விளம்பர பலகையில் எம்ஜிஆர் படமும் இடம் பெற வேண்டும் என்று தமிழக பாஜக கோரிக்கை விடுத்துள்ளது.