சென்​னை, புறநகர் பகு​தி​களில் வெப்​பம் தணிந்​தது: பலத்த காற்​றுடன் கொட்டி தீர்த்த கனமழை

சென்னை: சென்னை மற்​றும் புறநகர் பகு​தி​களில் நேற்று காலை திடீரென பலத்த காற்​றுடன் பரவலாக கனமழை பெய்​தது. இதனால் வெப்​பம் சற்று தணிந்​தது. தமிழகத்​தில் பிப்​ர​வரி மாதம் முதலே வெப்​பம் வாட்​டத் தொடங்​கியது. அவ்​வப்​போது வெப்​பநிலை உயர்ந்​தும் காணப்​பட்​டது. கடந்த 12-ம் தேதி சென்னை நுங்​கம்​பாக்​கம், மீனம்​பாக்​கம் உள்​ளிட்ட 9 நகரங்​களில் 100 டிகிரி ஃபாரன்​ஹீட்​டுக்கு மேல் வெப்​பம் பதி​வாகி இருந்​தது.

இந்​நிலை​யில் யாரும் எதிர்​பா​ராத வகை​யில் நேற்று காலை முதல் வானம் மேகமூட்​டத்​துடன் காணப்​பட்​டது. 9 மணிக்கு மேல் சென்னை மற்​றும் புறநகர் பகு​தி​களில் லேசான தூறலுடன் மழை பெய்​யத் தொடங்​கியது. பின்​னர் கனமழை​யாக மாறியது.