'சீரி ஏ' கால்பந்து தொடர்: நபோலி அணி சாம்பியன்

ரோம் ,

இத்தாலியில் நடைபெறும் முன்னணி கால்பந்து லீக் தொடர் சீரி ஏ.  இதில் இன்டர் மிலன், ஏ.சி. மிலன் , நபோலி, யுவென்டஸ் உள்ளிட்ட 20 முன்னணி கிளப் அணிகள் விளையாடி வருகின்றன. ஒவ்வொரு அணியும் மற்ற அணிகளுடன் தலா இரண்டு முறை மோத வேண்டும். 38 போட்டிகளில் முடிவில் புள்ளிகள் பட்டியலில் முதலிடம் பிடிக்கும் அணி சீரி ஏ டைட்டிலை டைட்டிலை வெல்லும்.

2024-25 சீசனின் 38-ஆவது போட்டியில் நபோலி இன்று காக்லியாரி அணியை எதிர்கொண்டது. பரபரப்பான இந்த ஆட்டத்தில் 2-0 என நபோலி வெற்றி பெற்றது . இதனால் 38 போட்டிகளில் 24 வெற்றி, 10 டிரா, 4 தோல்விகள் மூலம் 82 புள்ளிகள் பெற்று முதலிடம் பிடித்து நபோலி அணி கோப்பையை வென்றது.

இன்டர் மிலன் 38 போட்டிகளில் 24 வெற்றி,9 டிரா, 5 தோல்விகள் 81 புள்ளிகள் பெற்றது குறிப்பிடத்தக்கது .