சத்தியமங்கலம் அருகே காட்டு யானை தாக்கி முதியவர் பரிதாப பலி

சத்தியமங்கலம்: ஈரோடு மாவட்டம் சத்தியமங்கலம் அடுத்துள்ள கடம்பூர் மலைப்பகுதி காடட்டி கிராமத்தை சேர்ந்தவர் மாதேவப்பா (68). நேற்று காலை இவரும் அதே கிராமத்தை சேர்ந்த மல்லப்பன், சுகதேவ், ஜடைசாமி ஆகிய 4 பேரும் கிராமத்தை ஒட்டியுள்ள வனப்பகுதிக்குள் விறகு பொறுக்க சென்றனர். அப்போது வனப்பகுதியில் ஆக்ரோஷமாக சுற்றித்திரிந்த ஒரு காட்டு யானை 4 பேரை கண்டதும் ஆத்திரத்துடன் துரத்த தொடங்கியது. இதில் 4 பேரும் தப்பியோட முயன்றனர்.

ஆனால் காட்டு யானை மாதேவப்பாவை துரத்தி பிடித்து தும்பிக்கையால் தாக்கி காலால் மிதித்ததில் சம்பவ இடத்திலேயே ரத்த வெள்ளத்தில் பரிதாபமாக உயிரிழந்தார். இதுபற்றி அறிந்ததும் சம்பவ இடத்திற்கு விரைந்து சென்ற கடம்பூர் போலீசார், கேர்மாளம் வனத்துறையினர் பொதுமக்கள் உதவியுடன் காட்டு யானை விரட்டியடித்து மாதேவப்பா உடலை மீட்டு பிரேத பரிசோதனைக்காக சத்தியமங்கலம் அரசு மருத்துவமனைக்கு அனுப்பி வைத்தனர்.

The post சத்தியமங்கலம் அருகே காட்டு யானை தாக்கி முதியவர் பரிதாப பலி appeared first on Dinakaran.