குளத்தில் மூழ்கி 3 சிறுவர்கள் பலி

திண்டுக்கல்: திண்டுக்கல் மாவட்டம், சாணார்பட்டி அருகே கொசவபட்டியை சேர்ந்தவர்கள் 8ம் வகுப்பு மாணவர் கோகுல் (13), 5ம் வகுப்பு மாணவர்கள் யாதேஷ் (10), இன்பராஜ் (11). இவர்கள் 3 பேரும் நேற்று பள்ளி விடுமுறை என்பதால் காலை 11 மணியளவில் கொசவபட்டி கல்குத்து ஓடை பகுதியில் உள்ள பேபி குளத்தில் குளிக்க சென்றனர். மூவரும் குளத்தின் ஆழமான பகுதிக்கு சென்றதாக தெரிகிறது.

இதில் கோகுல், யாதேஷ், இன்பராஜ் ஆகியோர் நீரில் மூழ்கி பரிதாபமாக உயிரிழந்தனர். மாலையில் மாடுகளை தண்ணீர் குடிக்க அழைத்து சென்ற சிலர் பார்த்த போதுதான் குளத்தில் 3 சிறுவர்கள் சடலமாக மிதந்தது தெரியவந்தது. இதுகுறித்து சாணார்பட்டி போலீசார் வழக்குப்பதிந்து விசாரணை நடத்தி வருகின்றனர்.

The post குளத்தில் மூழ்கி 3 சிறுவர்கள் பலி appeared first on Dinakaran.