குஜிலியம்பாறையில் திமுக வாக்குச்சாவடி முகவர்கள் கூட்டம்

குஜிலியம்பாறை, நவ. 13: குஜிலியம்பாறை தெற்கு ஒன்றிய திமுக சார்பில் வாக்குச்சாவடி பாகநிலை முகவர்கள் கூட்டம் புளியம்பட்டி தனியார் திருமண மண்டபத்தில் நடந்தது. காந்திராஜன் எம்எல்ஏ தலைமை வகித்தார். தெற்கு ஒன்றிய பொறுப்பாளர் சசிராஜலிங்கம், தெற்கு ஒன்றிய பார்வையாளர் செல்வராஜ் முன்னிலை வகித்தனர். தலைமை கழக தொகுதி பார்வையாளர் கவிஞர் சல்மா கலந்து கொண்டு பாக முகவர்களுக்கு ஆலோசனை வழங்கி வரும் 2026 சட்டமன்ற தேர்தலில் மேற்கொள்ளப்பட வேண்டிய களப்பணி குறித்து பேசினார்.

இதில் முன்னாள் எம்எல்ஏ கிருஷ்ணன், பேரூர் செயலாளர் கதிரவன், பாளையம் பேரூராட்சி தலைவர் பழனிச்சாமி, நிர்வாகிகள்  பொன்சுப்பிரமணி, சவுந்தர் மாரியப்பன், கருப்பையா, குமார், சேகர், செல்வம், சுரேஷ், கருணாகரன், ராஜா, முருகேசன், சுப்பிரமணி உள்பட பலர் கலந்து கொண்டனர். நிர்வாகி கார்த்திகேயன் நன்றி கூறினார்.

The post குஜிலியம்பாறையில் திமுக வாக்குச்சாவடி முகவர்கள் கூட்டம் appeared first on Dinakaran.