கார்ப்பரேட்டுகள் மூலம் ரயில்வே தொழிலாளர்களை வெளியேற்ற முயற்சி: கண்ணையா குற்றச்சாட்டு

மதுரை: கார்ப்பரேட்களின் அறிக்கையை பயன்படுத்தி ரயில்வே தொழிலாளர்களை வெளியேற்ற மத்திய அரசு முயற்சிப்பதாக எஸ்ஆர்எம்யூபொதுச் செயலாளர் கண்ணையா குற்றம்சாட்டினார்.

அகில இந்திய அளவில் ரயில்வே தொழிற்சங்கங்களுக்கான தேர்தல் டிசம்பரில் நடக்கிறது. இதையொட்டி, மதுரை ரயில் நிலைய மேற்கு நுழைவு வாயிலில் எஸ்ஆர்எம்யூ தொழிற் சங்கம் சார்பில், தேர்தல் பிரச்சார கூட்டம் நடந்தது. எஸ்ஆர்எம்யூ மதுரை கோட்ட செயலாளர் ஜேஎம்.ரபீக் தலைமை வகித்தார். இக்கூட்டத்தில் எஸ்ஆர்எம்யூ பொதுச் செயலாளர் கண்ணையா பங்கேற்று பேசியது: “ரயில்வே துறையை தனியார் மயமாக்கும் விதமாக அம்பானி, அதானிக்கு சாதகமாக ஒரு சட்டத்தை மத்திய அரசு கொண்டு வந்துள்ளது. ஆங்கிலேய ஆட்சியை போன்று ரயில்வே தொழிலாளர்களை பிரிக்க முயற்சிக்கிறது பாஜக அரசு. நமது தொழிற்சங்கங்கள் ஒன்றாக இருக்கவேண்டும்.