காமராஜ் பொறியியல் கல்லூரியில் இளம் விஞ்ஞானிகள் சந்திப்பு நிகழ்ச்சி

விருதுநகர், ஜன.6: விருதுநகர் காமராஜ் பொறியியல் கல்லூரியின் விண்வெளி சங்கம், ரோட்ராக்ட் சங்கம், குமரி இளம் ஆராய்ச்சியாளர்கள் அறிவியல் பேரவை இணைந்து அறிவியல் மற்றும் தொழில்நுட்பத்தை வளர்ப்பதற்காக இளம் விஞ்ஞானிகளுடன் சந்திப்பு நிகழ்ச்சி நடத்தப்பட்டது. காமராஜ் பொறியியல் கல்லூரி செயலாளர் தர்மராஜ் நிகழ்ச்சியை துவக்கி வைத்து பேசுகையில்,
விண்வெளி மற்றும் செயற்கைக்கோள் ஆராய்ச்சி குறித்து மாணவர்கள் அனைவரும் தெரிந்து கொள்ள வேண்டும்.

வானியல் அறிவு மாணவர்களை அடுத்த கட்டத்திற்கு கொண்டு செல்லும் என்றார். நிகழ்ச்சியில் பெங்களூரு இந்திய விண்வெளி ஆய்வு நிறுவனத்தின் முன்னாள் மூத்த விஞ்ஞானி மற்றும் குழு இயக்குநர் இங்கர்சால் கலந்து கொண்டு மாணவர்கள், பேராசிரியர்களுடன் கலந்துரையாடினார். கல்லூரி வேலைவாய்ப்பு பயிற்சித்தலைவர் ராமசாமி நன்றி தெரிவித்தார். துறைத்தலைவர்கள், ஆசிரியர்கள், மாணவர்கள் கலந்து கொண்டனர்.

The post காமராஜ் பொறியியல் கல்லூரியில் இளம் விஞ்ஞானிகள் சந்திப்பு நிகழ்ச்சி appeared first on Dinakaran.