ஓடிடியில் ஆபாச சினிமாக்கள் ஒன்றிய அரசுக்கு நோட்டீஸ்: உச்ச நீதிமன்றம் உத்தரவு

புதுடெல்லி: உச்ச நீதிமன்றத்தில் தாக்கல் செய்யப்பட்டுள்ள பொதுநல மனுவில், ‘ஓடிடி மற்றும் சமூக ஊடகங்களில் வெளியிடப்படும் ஆபாச திரைப்படங்கள், இணையத் தொடர்கள், விடியோக்களை தடை செய்ய நடவடிக்கை எடுக்க வேண்டும். அந்த படங்களை தணிக்கை செய்ய நிபுணர் குழு தேவைப்படுகிறது. தேசிய உள்ளடக்க கட்டுப்பாட்டு ஆணையம் இதுதொடர்பாக விதிகளை வகுக்க வேண்டும்’ என்று குறிப்பிடப்பட்டிருந்தது.

இதை விசாரித்த நீதிபதிகள் நெட் பிளிக்ஸ், அமேசான் பிரைம் உள்ளிட்ட அனைத்து சம்பந்தப்பட்ட ஓ.டி.டி. நிறுவனங்கள் மற்றும் சமூக ஊடகங்களும் பதிலளிக்க வேண்டும் எனவும், அதேப்போன்று ஒன்றிய அரசும் இந்த விவகாரத்தில் பதிலளிக்க நோட்டீஸ் பிறப்பிக்கப்படுகிறது என்றும் உத்தரவிட்டனர்.

The post ஓடிடியில் ஆபாச சினிமாக்கள் ஒன்றிய அரசுக்கு நோட்டீஸ்: உச்ச நீதிமன்றம் உத்தரவு appeared first on Dinakaran.