ஐ.பி.எல்.: புள்ளி பட்டியலில் கடைசி 3 இடங்களில் தவிக்கும் முன்னாள் சாம்பியன்கள்.. விவரம்

சென்னை,

ஐ.பி.எல். தொடரின் 18-வது சீசன் இந்தியாவின் பல்வேறு நகரங்களில் சிறப்பாக நடைபெற்று வருகிறது. கடந்த மாதம் 22-ம் தேதி தொடங்கிய இந்த தொடரில் இதுவரை 25 லீக் ஆட்டங்கள் நிறைவடைந்துள்ளன.

இதன் முடிவில் புள்ளி பட்டியலில் அணிகளின் நிலை குறித்து இங்கு காணலாம்..!

குஜராத் டைட்டன்ஸ் மற்றும் டெல்லி கேப்பிடல்ஸ் அணிகள் தலா 8 புள்ளிகள் பெற்றிருந்தாலும் ரன் ரேட் அடிப்படையில் குஜராத் முதலிடத்திலும், டெல்லி 2-வது இடத்திலும் உள்ளன.

இதனையடுத்து தலா 6 புள்ளிகள் பெற்ற நிலையில் ரன் ரேட் அடிப்படையில் கொல்கத்தா நைட் ரைடர்ஸ் 3-வது இடத்திலும், ராயல் சேலஞ்சர்ஸ் பெங்களூரு அணி 4-வது இடத்திலும், பஞ்சாப் கிங்ஸ் 5-வது இடத்திலும், லக்னோ சூப்பர் ஜெயன்ட்ஸ் 6-வது இடத்திலும் உள்ளன. 7-வது இடத்தில் 4 புள்ளிகளுடன் ராஜஸ்தான் ராயல்ஸ் உள்ளது.

கடைசி 3 இடங்களில் முறையே தலா ஒரு வெற்றி மட்டுமே பெற்ற நிலையில் முன்னாள் சாம்பியன்களான மும்பை இந்தியன்ஸ் 8-வது இடத்திலும், சென்னை சூப்பர் கிங்ஸ் 9-வது இடத்திலும், சன்ரைசர்ஸ் ஐதராபாத் 10-வது இடத்திலும் தவிக்கின்றன.