ஐ.பி.எல். 2025: டாஸ் வென்ற மும்பை அணி பந்துவீச்சு தேர்வு

மும்பை,

ஐ.பி.எல். தொடரின் 18-வது சீசன் இந்தியாவின் பல்வேறு நகரங்களில் விறுவிறுப்பாக நடைபெற்று வருகிறது. இதில் மும்பை வான்கடே மைதானத்தில் நடைபெறும் 33-வது லீக் ஆட்டத்தில் முன்னாள் சாம்பியன்களான மும்பை இந்தியன்ஸ்- சன்ரைசர்ஸ் ஐதராபாத் அணிகள் மோதுகின்றன.

5 முறை சாம்பியனான மும்பை அணி இதுவரை 6 ஆட்டங்களில் ஆடி 2 வெற்றி மற்றும் 4 தோல்வி கண்டு புள்ளி பட்டியலில் 7-வது இடத்தில் உள்ளது. கடந்த ஆட்டத்தில் 12 ரன் வித்தியாசத்தில் டெல்லியை வீழ்த்தியது.

மறுபுறம் முன்னாள் சாம்பியனான ஐதராபாத் அணி 6 ஆட்டங்களில் ஆடி 2 வெற்றி மற்றும் 4 தோல்வி கண்டு புள்ளி பட்டியலில் 9-வது இடத்தில் உள்ளது. வெற்றியோடு தொடங்கிய ஐதராபாத் அணி அதன் பிறகு வரிசையாக 4 ஆட்டங்களில் தோற்றது. கடந்த ஆட்டத்தில் 8 விக்கெட் வித்தியாசத்தில் பஞ்சாப் அணியை வீழ்த்தியது.

புள்ளி பட்டியலில் ஏற்றம் காண இரு அணிகளும் வெற்றி பயணத்தை தொடரும் முனைப்பில் இன்று களமிறங்கி உள்ளன.

இந்நிலையில் டாஸ் வென்ற மும்பை அணியின் கேப்டன் ஹர்திக் பாண்ட்யா பந்துவீச்சைத் தேர்வு செய்தார். இதன்படி சன்ரைசர்ஸ் ஐதராபாத் அணி முதலாவதாக பேட்டிங் செய்ய உள்ளது.